தமிழக வெற்றி கழகத்தின் மாவட்ட மாணவரணி இணை அமைப்பாளர் அலுவலகம் திறப்பு

தமிழக வெற்றி கழகத்தின் மாவட்ட மாணவரணி இணை அமைப்பாளர் அலுவலகம் திறப்பு

திருப்பத்தூர் அக் :8

தமிழக வெற்றி கழகத்தின் திருப்பத்தூர் மாவட்ட மாணவரணி இணை அமைப்பாளர் அலுவலகம் திறப்பு விழா, திருப்பத்தூர் நகராட்சிக்குட்பட்ட 24-வது வார்டு பகுதியில் சிறப்பாக நடைபெற்றது.

திருப்பத்தூர் மாவட்ட மாணவரணி அமைப்பாளர் அருண் மற்றும் மாவட்ட மாணவரணி இணை அமைப்பாளர் உசேன் ஆகியோர் தலைமையில் புதிய அலுவலகம் அமைக்கப்பட்டிருந்தது. இந்த அலுவலகத்தை திருப்பத்தூர் சட்டமன்ற உறுப்பினர் டாக்டர் திருப்பதி சிறப்பு அழைப்பாளராக கலந்து கொண்டு ரிப்பன் வெட்டி திறந்து வைத்தார்.

தொடர்ந்து நடைபெற்ற நிகழ்ச்சியில், பொதுமக்கள் மற்றும் கட்சி நிர்வாகிகள் முன்னிலையில் பல்வேறு நலத்திட்ட உதவிகள் வழங்கப்பட்டன. குறிப்பாக, பொதுமக்களின் சுகாதாரத்தை பாதுகாக்கும் பணியில் தொடர்ந்து ஈடுபட்டு வரும் 20-க்கும் மேற்பட்ட தூய்மை பணியாளர்களை பாராட்டும் வகையில் அவர்களுக்கு புடவைகள் மற்றும் பரிசுப் பொருட்கள் வழங்கப்பட்டன.