தேனி மாவட்டத்தில் ரூ.1.51 கோடி நலத்திட்ட உதவிகள் மற்றும் புதிய பணிகளுக்கு அடிக்கல் நாட்டு விழா

தேனி மாவட்டத்தில் ரூ.1.51 கோடி நலத்திட்ட உதவிகள் மற்றும் புதிய பணிகளுக்கு அடிக்கல் நாட்டு விழா!

நவ 05

தேனி மாவட்டத்தில்
ரூ.4.97 கோடி மதிப்பீட்டில் முடிவுற்ற 9 புதிய திட்டப்பணிகளை திறந்து வைத்து, ரூ.11.83 கோடி மதிப்பீட்டில் 333 புதிய கட்டமைப்புப் பணிகளுக்கு அடிக்கல் நாட்டி, 7,029 மகளிர் சுய உதவிக்குழு உறுப்பினர்களுக்கு ரூ.71.37 கோடி வங்கி நிதி இணைப்புக்கான காசோலைகளை வழங்கி மற்றும் பல்வேறு துறைகளின் சார்பில் 2,409 பயனாளிகளுக்கு ரூ.1.51 கோடி மதிப்பிலான அரசு நலத்திட்ட உதவிகளை மாண்புமிகு எரிசக்தி மற்றும் சட்டத்துறை அமைச்சர் வழங்கினார்.
தேனி மாவட்டம், வீரபாண்டி பேரூராட்சி, தமிழ்நாடு வீட்டுவசதி வாரிய சமுதாயக்கூடத்தில் நடைபெற்ற அரசு விழாவில், மாண்புமிகு எரிசக்தி மற்றும் சட்டத்துறை அமைச்சர், மாவட்ட ஆட்சித்தலைவர் வ.சிவகிருஷ்ணமூர்த்தி முன்னிலையில் நலத்திட்ட உதவிகளை வழங்கிச் சிறப்பித்தார்.முக்கியப் பங்கேற்பாளர்கள் விவரம்
சட்டமன்ற உறுப்பினர்கள் க.சபரிஐங்கரன் (பெரியகுளம்), பி.எல்.ஏ.ஜெகநாத் மிஸ்ரா (கம்பம்), எஸ்.ஆர்.தங்கப்பாண்டி (மதுரை மேற்கு).
அரசு அலுவலர்கள் மாவட்ட வருவாய் அலுவலர் ப.ராஜகுமார், சார் ஆட்சியர் (பெரியகுளம்) தவலேந்து, திட்ட இயக்குநர் (ஊரக வளர்ச்சி முகமை) துஷார் ஸ்ரீஹர் ஷிண்டே, திட்ட இயக்குநர் (மகளிர்திட்டம்) வீராச்சாமி, கூடுதல் காவல் கண்காணிப்பாளர் மகேஷ் மற்றும் பல்வேறு துறை சார்ந்த மாவட்ட நிலையிலான அரசு அலுவலர்கள் கலந்துகொண்டனர்.