காவேரி கூக்குரல் மரம் சார்ந்தவிவசாயம் விவசாயிகளுடனான கலந்தாய்வுக் கூட்டம்

காவேரி கூக்குரல் மரம் சார்ந்தவிவசாயம் விவசாயிகளுடனான கலந்தாய்வுக் கூட்டம்

ராமநாதபுரம்:

ராமநாதபுரம் மாவட்டம் ராமநாதபுரத்தில்ல ஈஷா மற்றும் காவேரி கூக்குரல் அமைப்பின் மரம் சார்ந்த விவசாயம் குறித்த விழிப்புணர்வு நிகழ்ச்சி மற்றும் விவசாயிகளுடனான கலந்தாய்வுக் கூட்டம் நம்மாழ்வார் வேளாண்மை மற்றும் தொழில்நுட்பக் கல்லூரியின் நான்காம் ஆண்டு மாணவர்கள் சார்பில் நடைபெற்றது.

இக்கூட்டத்தின் முக்கிய நோக்கம், விவசாயிகளிடையே மரம் சார்ந்த விவசாயத்தின் முக்கியத்துவம், சுற்றுச்சூழல் பாதுகாப்பு மற்றும் நிலையான வேளாண்மை முறைகள் குறித்த விழிப்புணர்வை ஏற்படுத்துவதாகும்.

இதனைத் தொடர்ந்து, விவசாய நிலங்களில் பயிர்களுடன் பொருத்தமான மரங்களை இணைத்து வளர்ப்பதன் மூலம் கூடுதல் வருமானம் பெறுதல், மண் வளத்தைப் பாதுகாத்தல், மண் அரிப்பைக் குறைத்தல் மற்றும் இயற்கை வளங்களைப் பாதுகாத்தல் போன்ற பயன்கள் குறித்து மாணவர்கள் விளக்கமளித்தனர். மேலும், நிலத்தின் தன்மை, மண் வகை, நீர் வசதி மற்றும் உள்ளூர் காலநிலைக்கு ஏற்ற மர வகைகளைத் தேர்ந்தெடுத்து வளர்ப்பதன் முக்கியத்துவமும் எடுத்துரைக்கப்பட்டது.தொடர்ந்து நடைபெற்ற விவசாயிகளுடனான கலந்தாய்வுக் கூட்டத்தில், மரம் சார்ந்த விவசாயத்தை நடைமுறைப்படுத்துவதில் உள்ள வாய்ப்புகள் மற்றும் சவால்கள் குறித்து விவாதிக்கப்பட்டது. மரக்கன்றுகள் தேர்வு, நடவு முறைகள், பராமரிப்பு, நீர் மேலாண்மை மற்றும் மரங்களிலிருந்து நீண்டகால வருமானம் பெறுவதற்கான வழிமுறைகள் குறித்தும் கலந்துரையாடப்பட்டது.மேலும், விவசாயிகள் தங்கள் அனுபவங்களையும் கருத்துகளையும் பகிர்ந்துகொண்டனர். மரம் வளர்ப்பதன் மூலம் விவசாய வருமானத்தைப் பல்வகைப்படுத்துதல், பல்லுயிர்ப் பெருக்கத்தை ஊக்குவித்தல் மற்றும் சுற்றுச்சூழல் சமநிலையைப் பேணுதல் ஆகியவற்றின் அவசியம் வலியுறுத்தப்பட்டது.

இந்நிகழ்ச்சியின் மூலம் விவசாயிகளுக்கு காவேரி கூக்குரல் அமைப்பின் மரம் சார்ந்த விவசாய அணுகுமுறை மற்றும் நிலையான வேளாண்மை முறைகள் குறித்த விழிப்புணர்வு ஏற்படுத்தப்பட்டது. மேலும், மாணவர்களுக்கும் விவசாயிகளுக்கும் இடையே அறிவுப் பரிமாற்றம் மேம்படுத்தப்பட்டது.