சேலம் மாநகராட்சியில் மழைநீர் வடிகால் மற்றும் கழிவுநீர் கால்வாய் அமைக்கும் பணிகள் – ஆணையாளர் நேரில் ஆய்வு

சேலம் மாநகராட்சியில் மழைநீர் வடிகால் மற்றும் கழிவுநீர் கால்வாய் அமைக்கும் பணிகள் – ஆணையாளர் நேரில் ஆய்வு!

சேலம், அக். 23:

சேலம் மாநகராட்சி சூரமங்கலம் மண்டலத்தில் நடைபெற்று வரும் வளர்ச்சிப் பணிகள் குறித்து மாநகராட்சி ஆணையாளர் டாக்டர் கவிதா ராமு ஆய்வு மேற்கொண்டார்.

சூரமங்கலம் கோட்டம் 28-ல் உள்ள பெரிய எழுத்துக்காரர் தெரு, தென்பரநாயகம் தெரு, வாரி பக்கம் மார்க்கெட், நாச்சிமன் ரோடு ஆகிய பகுதிகளில் உள்ள கழிவுநீர் கால்வாய் சீரமைத்தல் மற்றும் மேம்படுத்துதல் தொடர்பாக மாநகராட்சி ஆணையாளர் நேரில் பார்வையிட்டு ஆய்வு செய்தார்.

மேலும், தென்பரநாயகம் தெருவில் மழைக்காலங்களில் மழைநீர் மற்றும் கழிவுநீர் தேங்காமல் செல்லும் வகையில் சிறுபாலம் அமைப்பது தொடர்பாகவும் ஆய்வு செய்தார். இதனைத் தொடர்ந்து, அப்பகுதிகளில் உள்ள கழிவுநீர் கால்வாய்களைச் சீரமைக்க வேண்டும் என சம்பந்தப்பட்ட பொறியாளர்களுக்கு அறிவுறுத்தினார்.

நாச்சிமன் ரோடு வாரிப்பகுதி மார்க்கெட் பின்புறத்தில் உள்ள வாரிப்பகுதி மார்க்கெட் பின்னரும் உள்ள பகுதியில் மக்களின் கோரிக்கையான சாலை வசதி மற்றும் சுகாதார வளர்ச்சிப் பணிகள், கழிவுநீர் கால்வாய் அமைப்பது தொடர்பாகவும் நேரில் பார்வையிட்டு ஆய்வு மேற்கொண்டார்.

இந்த ஆய்வின்போது மாநகர நல அலுவலர் டாக்டர் செ.ராம்குமார், மாமன்ற உறுப்பினர் ஜெ.ஜெயகுமார் மற்றும் தொடர்புடைய அலுவலர்கள் உடனிருந்தனர்.